O Concello de Bueu proxecta a construción dun centro social e de formación no lugar de Sexide, coa finalidade de contar cunha infraestrutura municipal na que poder realizar actividades e prestar servizos ós colectivos veciñais e culturais, e fomentar a participación cidadá e comunitaria das asociacións municipais. Tamén se destinará a centro formativo que permita cubrir o déficit que ten o concello de instalacións axeitadas para poder realizar accións de formación e de capacitacións da poboación, especialmente de persoas en situación de desemprego que lles permita mellorar a súa inserción laboral.