Acondicionamento dun novo local para ampliar e modernizar unha clínica dental ubicada en O Toural no municipio de Vilaboa, para dotala da última tecnoloxía dispoñible, eficiencia enerxética e acceso para persoas con mobilidade reducida. Supón unha mellora nas instalacións e equipamento da clínica odontolóxica que repercuten nunha maior prestación de servizos, redución de tempos de traballo, incremento e mellorar a capacidade asistencial.
O investimento contempla: as obras realizadas no interior do inmoble de 132.77m2 que permiten conformar a recepción e unha sala de espera, dous despachos, tres consultas, unha sala de raios X, un aseo adaptado, un office, un pequeno laboratorio, un almacén, unha sala de descanso e un aseo; ademais da adquisición de equipo médico radiolóxico para a realización de imaxes en 2D e 3D, coas que obter unha visión ampla de todo o maxilar e a mandíbula.
