Proxecto de ampliación dunha empresa de ámbito nacional adicada principalmente ao montaxe de paneis fotovoltaicos para autoconsumo industrial, ademais de prestar servizos de asesoría integral e auditoría de eficiencia enerxética e soporte para proxectos de enerxía eólica,etc que ubicará a súa nave industrial na parcela 374 do Polígono Industrial de Barro-Meis.

As novas instalacións lle permitirán unificar nun só centro de traballo as actividades do proceso produtivo completo: tarefas de cálculo, xestión, tramitación, elaboración e montaxe dos paneis fotovoltaicos, control de calidade, almacenaxe e distribución.

Trátase de realizar un programa formativo, baixo a metodoloxía de formación-acción, que teña unha dobre finalidade:

  • Dinamizar socialmente ao sector vitivinícola para reforzalo e empoderalo como alternativa emerxente de emprego e/ou emprendemento.
  • Capacitar e cualificar a emprendedores e poboación activa en xeral, para afrontar os requirimentos técnicos, económicos e sociais que vai a supoñer a posta en marchada IXP, e o desenvolvemento da actividade.

Polo tanto, os principais obxectivos xerais do programa formativo centraranse en:

  • Reforzar a participación do sector e activación do capital social (axentes locais privados e públicos e entidades sociais): implicación dos axentes no proxecto, elaboración dunha reflexión diagnóstica conxunta, e definición concertada de horizontes estratéxicos cara a un mellor desenvolvemento do sector; abordando unha análise conxunta das oportunidades presentes.
  • Xeración dun consenso estratéxico entre os axentes sectoriais que respalde o crecemento ordenado do sector vitivitícola, a xestión do sector e fomente dinámicas de potenciación e sucesión nas explotacións, así como de creación de novas oportunidades para o emprego.
  • Introducir criterios técnicos e aprendizaxes que implican a entrada no marco regulador da IXP, abordando a formación en aspectos de índole técnica, experimental, ou de recoñecemento das potencialidades para a comercialización da produción, a diferentes escalas.

A proposta de contidos didácticos para cada unhas das accións formativas a desenvolver durante o periodo contemplado son:

  1. Planeamento estratéxico para o desenvolvemento da IXP, 5 cursos formativos (20 h):

    Tentarase fornecer ó sector cun modelo de traballo que lles permita realizar unha autodiagnose da súa situación actual, co obxectivo de definir as súas prioridades estratéxicas, baseándose nun modelo formativo participativo. Deste xeito irase conformando un grupo dinamizador que coordinará a posta en marcha do proxecto, definindo os seus obxectivos estratéxicos e medidas de acción a desenvolver. Traballarase a dimensión económica e produtiva dende o punto de vista vitícola, pero tamén as potencialidades para a xeración de actividades vinculadas ó mundo do viño e da viña.

  1. Dimensión social e organización da IXP Ribeiras do Morrazo, 5 cursos formativos (22 h):

    Abordará unha proposta para organizar e reforzar o traballo en grupo dos axentes económicos asociados ás cadeas de valor que artellan a producción vitivinícola, así como aos axentes sociais e institucionais que vertebran o territorio. Esta acción formativa reforzará a dinámica de traballo en grupo, mediante a aplicación de metodoloxías participativas, para aflorar as sinerxías de crear estruturas colaborativas que proporcionen economías de escala,faciliten a organización e xestión,etc.

<olstart="3">

  • Capacitación e profesionalización no ámbito da viticultura, 4 cursos formativos (28 h):

    As actividades formativas buscarán reforzar a formación técnica dos distintos actores que participan no sector. Esta formación estruturarase mediante a realización de accións formativas específicas Teórico-Prácticas do ámbito da viticultura.

O Concello da Lama proxecta a posta en marcha dunha aula de informática e de lectura no rural que permita dar servizo e cobertura nun centro de uso comunitario e público, posibilitando o acceso dos veciños á sociedade da información con conexión de balde a internet como recurso para a alfabetización informática, fomento da lectura, consultas, apoio á formación, desenvolvemento cultural, etc.

Proxecto de carácter non produtivo promovido pola CMVMC de San Martín de Vilaboa coa finalidade de ampliar os espazos e os equipamentos deportivo-saudables da parroquia dotándoa de infraestructuras de uso recreativo de libre acceso, mediante dúas actuacións complementarias:

- Creación dunha área biosaudable no lugar de Paredes que constará dun circuito completo de 7 aparellos de entrenamento, sendo 1 elemento para persoas con mobilidade reducida, ademais de sinalización cun cartel sobre usos e beneficios físicos.

- Creación dunha pista deportiva de fútbol no lugar de Postemirón, xunto a Casa de Cultura e complementando o parque infantil existente na parcela.

O Pazo da Cultura de Pontevedra acolle dende este mércores o primeiro curso do programa formativo Xestión Agroforestal Sustentable 2019 dedicado a horticultura ecolóxica que organiza o GDR Pontevedra Morrazo e que se desenvolverá ao longo do mes de maio e xuño.

Tralo éxito do ano anterior, a nova proposta formativa do GDR que conta con máis de 30 inscritos abordará ao longo das 54 horas lectivas do programa os fundamentos da horticultura e gandería ecolóxica, a xestión sustentable do monte e producións alternativas así como un curso transversal dedicado á comercialización, responsabilidade social e innovación dentro do sector ecolóxico.

Os cursos contemplados do programa formativo, que son totalmente gratuítos para os seus participantes, inclúen visitas temáticas de traballo, e serán impartidos e dirixidos por persoal técnico, con coñecemento específico da materia e experiencia en labores formativas e de traballo en grupo.

Lembremos que esta acción formativa xurde no marco da medida Leader do PDR de Galicia 2014-2020 do GDR Pontevedra Morrazo para desenvolver no territorio reforzando e mellorando as prácticas sostibles dos sectores agrogandeiro e forestal.

O programa ten polo tanto, unha dobre finalidade:

  • Mellorar as prácticas sostibles dos sectores agrogandeiro e forestal para potencialo como alternativa emerxente de emprego e/ou emprendemento.
  • Reforzar e incrementar a profesionalización e capacitación da poboación activa nos ámbitos referidos, contribuíndo a mellorar as prácticas de traballo e impulsar os aproveitamentos.

Para isto, o programa formativo centrarase en:

  • Reforzar o papel das actividades agrarias, gandeiras e forestais, como eixe para a dinamización social e económica do territorio, isto é, a activación do capital social: implicar a iniciativas que xa están en marcha, procurar novos aproveitamentos, ou aproveitamentos alternativos aos actuais, etc.
  • Introducir criterios técnicos e aprendizaxes no conxunto de actividades que leven implícita esa xestión agroforestal sustentable.

Nesta edición de 2019, a proposta de contidos didácticos para cada unhas das accións formativas a desenvolver baixo a metodoloxía de “formación-acción” serán os seguintes:

  1. Horticultura ecolóxica () Abordaranse contidos de:
  • Introdución a xestión dunha explotación hortícola en ecolóxico
  • Requisitos xerais sobre a normativa de agricultura ecolóxica
  • Manexo do solo en cultivos ecolóxicos
  • Deseño do horto ecolóxico.
  • Rego e operación culturais agroecolóxicas para mellorar a eficiencia da auga e a conservación do solo
  • Operacións de cultivo
  • Fertilización
  • Bases para a elaboración de compost
  • Sementeiros: preparación de plantas para o horto.
  • Invernadoiros
  • Asociacións e rotacións de cultivos.
  • Pragas e enfermidades. Tratamento e control.
  1. Sistemas gandeiros ecolóxicos (9h.) Abordaranse contidos de:

Apicultura ecolóxica:

  • A produción apícola dende o punto de vista ecolóxico.
  • A abella e o apicultor. Colmeas.
  • Instalación do apiario. Transhumancia.
  • Os produtos. Extracción.
  • Manipulación de colmeas. Alimentación e multiplicación.
  • Pragas e enfermidades. A Velutina.

Ovino e caprino ecolóxico:

  • Instalacións, maquinaria e equipos na explotación.
  • Alimentación.
  • Manexo de praderías e cultivos forraxeiros
  • Manexo reprodutivo e bases da sanidade.

Porcino ecolóxico:

  • Instalacións, maquinaria e equipos.
  • Alimentación en ecolóxico.
  • Manexo reprodutivo e bases da sanidade en porcino ecolóxico.
  • Cría e cebo en porcino en ecolóxico.
  • Manexo de praderías e cultivos forraxeiros en porcino ecolóxico
  1. Xestión sustentable do monte e producións alternativas (12h.) Abordaranse contidos de:
  • Os sistemas agroforestais
  • Os sistemas agrícolas, forestais e agroforestais e a PAC
  • A xestión forestal: viveiros, silvicultura de coníferas e silvicultura de frondosas (castaño, carballo, nogueira,...)
  • Usos alternativos dos sistemas agroforestais
  • Prevención de sistemas agroforestais

O castiñeiro

  • Edafoloxía, ecoloxía e fisioloxía do castaño
  • A multiplicación do castaño. A poda
  • Fitopatoloxía do castaño. Prácticas culturais

Micoloxía como alternativa produtiva forestal

  • Xeneralidades. Ordenación taxonómica
  • Reprodución
  • Métodos de clasificación
  • Detalle de familias, xéneros e especies
  • Fungos comestibles e as súas parellas tóxicas
  1. Sector ecolóxico-Comercialización, Responsabilidade Social Corporativa e Innovación (6h.) Abordaranse contidos de:
  • Responsabilidade Social Corporativa e Innovación.
  • A importancia de vender: produto / marca / proxecto.
  • Fases da venda (mercado local, feiras,  grupos de consumo,..).
  • Plan de marketing.
  • Comunicar en 360º.
  • Creación e rexistro de marcas.

Os participantes no programa formativo "Profesionalización e desenvolvemento da viticultura na IXP Ribeiras do Morrazo (2019)", no marco de cooperación entre as IXP de viños de Galicia, tiveron ocasión de realizar unha visita de estudo á IXP Val do Miño.

Nesta xornada coñeceron a finca e adega de Terras Mancas, unha das poucas adegas que na actualidade elaboran viño baixo o selo da IXP Val do Miño. Os socios ensinaron o viñedo e as instalacións, e explicaron aos asistentes tanto o proceso de constitución do seu proxecto, como as súas dificultades, o presente e os proxectos de futuro.

Ademais, nesa mesma xornada, realizouse unha visita de estudo ao proxecto colaborativo: Solaina Minei. As Bouzas – Macendo  (Castrelo de Miño). Un proxecto colaborativo dos veciños do lugar de As Bouzas, situado na D.O. Ribeiro, que baixo a fórmula dunha SL, pero traballando conxuntamente, crearon no 2008 O Polígono Agrario da Asociación "As Bouzas", un proxecto de produción vitivinícola. Actualmente son 54 socios, todos eles viticultores ou fillos de viticultores, que antes de que as viñas quedasen ermas; xuntáronse para facer realidade o proxecto.

O obxecto social da SL foi redactado de xeito máis amplo que o vitivinícola sendo parte do mesmo a producción, transformación e comercialización de produtos agrícolas, gandeiros e forestais, e atender a calquera fin ou servizo que sexa propio ou estea directamente relacionado con estas actividades, en particular, coa explotación da madeira.

Na actualidade xa empezaron a elaborar o seu propio viño baixo a marca “9 queipos”, aínda que a maior parte da uva é vendida a terceiros.

Representantes dos socios ensinaron o viñedo e as instalacións, e explicaron aos asistentes todo o camiño levado a cabo dende a súa constitución.

Agradecer a todos a atención dispensada, así como a súa colaboración na xornada explicando os elementos esenciais das súas iniciativas e a posterior visita guiada ás instalacións.

 

O venres 12 de abril, no marco do programa formativo Profesionalización e desenvolvemento da viticultura na IXP Ribeiras do Morrazo (2019) que este GDR está a desenvolver, celebrouse na Casa do pobo de Beluso, en Bueu, unha sesión formativa centrada no emprendemento cooperativo na que diversos poñentes falaron da creación de iniciativas empresariais vitivinícolas e na que se analizaron distintas fórmulas colaborativas de traballo organizativo e produtivo.

Na mesma contouse coa participación dos seguintes expertos na materia:

  • D. Higinio Mougán. Director Xerente da Asociación Galega de Cooperativas Agrarias (AGACA).
  • D. Xosé Carballido Presas. Enxeñeiro Técnico Facultativo da Consellería do Medio Rural. Máster en viticultura e enoloxía.

Tamén se organizou unha mesa redonda na que participaron os seguintes relatores:

  • Dª Salomé Cancela. Presidenta da adega VIÑA MORAIMA SOCIEDADE COOP. GALEGA. 
  • D. Xavier Zas Director Xeral da adega CONDES DE ALBAREI
  • D. Antonio Méndez. Presidente Xerente Adega SEÑORÍO DE RUBIÓS
  • D. Antonio Nieves. Conselleiro Delegado da Sociedade SOLAINA MINEI

 

 

Dende o luns 1 de abril estarán abertas as listas para inscribirse nos cursos do programa formativo “XESTIÓN AGROFORESTAL SUSTENTABLE (2019)” que celebrará o GDR Pontevedra Morrazo os meses de maio e xuño.

O Grupo de Desenvolvemento Rural Pontevedra Morrazo, no marco da medida Leader 2014-2020, deseñou o programa formativo “XESTIÓN AGROFORESTAL SUSTENTABLE (2019)” de 54 horas lectivas baixo a metodoloxía de formación-acción, que ten unha dobre finalidade:

  • Mellorar as prácticas sostibles dos sectores agrogandeiro e forestal para potencialo como alternativa emerxente de emprego e/ou emprendemento.
  • Reforzar e incrementar a profesionalización e capacitación da poboación activa nos ámbitos referidos, contribuíndo a mellorar as prácticas de traballo e impulsar os aproveitamentos.

A proposta de contidos didácticos para cada unhas das accións formativas a desenvolver durante os meses de maio e xuño son:

  1. Horticultura ecolóxica (17 h)
  2. Sistemas gandeiros ecolóxicos (14 h)
  3. Xestión sustentable do monte e producións alternativas (17 h)
  4. Sector ecolóxico - Comercialización (6 h)

 

Os cursos contemplados no plan formativo son totalmente gratuítos para os seus participantes. O criterio de admisión establecerase por orde de inscrición, ata cubrir o número de prazas existentes.

Os cursos, que inclúen visitas temáticas de traballo, serán impartidos e dirixidos por persoal técnico, con coñecemento específico da materia e experiencia en labores formativas e de traballo en grupo.

 

Inscrición gratuíta no telefono de contacto  986 108 144 ou a través do  correo electrónico Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

O prazo de presentación das solicitudes de axuda para a primeira proposta anual de selección de proxectos da anualidade 2019/20 rematará o 31 de marzo de 2019.

De acordo coa Lei 39/2015 do procedemento administrativo, ao ser este un día inhábil, a data de fin de prazo enténdese prorrogada ao día hábil seguinte, neste caso, o luns 01 de abril de 2019.

Así mesmo, lembramos que o prazo máximo para as persoas (físicas ou xurídicas) que presenten as solicitudes a través da sede electrónica (https://sede.xunta.gal) rematará o 1 de abril ás 23:59 minutos e 59 segundos. Nos concellos nos que o día 01 de abril de 2019 sexa festivo local e teñan a presentación electrónica rematará o día 02 de abril ás 23:59 minutos e 59 segundos.

As solicitudes que consten rexistradas en SEDE ás 00:00 horas ou posterior non son admisibles por estar presentadas fóra de prazo.

En relación ás solicitudes presentadas de xeito presencial polas persoas físicas (non obrigadas á presentación electrónica) na sede do GDR o prazo rematará o 1 de abril ás 14.00 h. (se é nun rexistro público: ás 14.00 h. e se se presentara nunha oficina de correos á hora de peche desa oficina).

Nota: No hipotético caso de que o sistema informático da SEDE electrónica falle o último día de presentación de solicitudes e persoas xurídicas obrigadas á presentación electrónica decidan presentar a solicitude en papel no rexistro do GDR, unicamente se considerarán válidas esas solicitudes nos supostos nos que resulte acreditado o fallo do sistema informático (apertura dun número de incidencia no teléfono 012, por exemplo).

Máis información: 

http://www.gdrpontevedramorrazo.eu/web/axudas/formularios

Este venres 22 de marzo botou a andar nas instalacións da biblioteca de Beluso do concello de Bueu unha nova edición do programa formativo “PROFESIONALIZACIÓN E DESENVOLVEMENTO DA VITICULTURA NA IXP RIBEIRAS DO MORRAZO (2019)” de 71 horas lectivas organizado polo GDR Pontevedra Morrazo.

Dende 2017, o Grupo de Desenvolvemento Rural Pontevedra Morrazo, que xestiona a medida Leader 2014-2020, está a desenvolver un programa formativo para a profesionalización e desenvolvemento da viticultura na indicación xeográfica protexida Ribeiras do Morrazo.

Nos anos 2017 e 2018 realizáronse accións formativas diversas orientadas a reforzar o empoderamento do sector de viticultores e adegueiros da zona comprendida na IXP Ribeiras do Morrazo, así como a súa profesionalización e capacitación técnica, fortalecendo deste xeito á propia figura ou selo de protección da calidade.

Nesta anualidade 2019, preténdese continuar a formación cunha proposta que afonda na sustentabilidade e boas prácticas na viticultura e enoloxía, con referencias a modelos de viticultura integrada e/ ou ecolóxica e explorando actuacións de carácter colaborativo entre as propias IXP de viño de Galicia e de funcionamento cooperativo.

Obxectivos do proxecto

O programa formativo pretende dinamizar o sector vitivinícola, potenciando os seus coñecementos e o traballo en conxunto en torno ao que este selo de calidade supón.

O programa realizarase dende o mes de marzo ata o de xuño, en diferentes localidades do territorio da IXP.

Esta proposta de traballo basease nunha metodoloxía de formación-acción, que ten como obxectivo fundamental o de realizar un programa formativo de carácter práctico, que impulse a participación activa dos axentes implicados no desenvolvemento e  articulación da citada indicación xeográfica protexida Ribeiras do Morrazo.

Os principais obxectivos que persegue o programa formativo 2019 son:

  1. Continuar reforzando e empoderando ao sector de viticultores e adegueiros da zona comprendida na IXP Ribeiras do Morrazo.
  2. Mellorar os coñecementos e a capacitación profesional das persoas participantes, para acadar un sector vitícola e vinícola, máis dinámico, moderno e proactivo.
  1. Impulsar a xeración de iniciativas de emprendemento ligadas a modelos, como por exemplo o cooperativo.
  2. Reforzar e dar a coñecer ao propio sector, coa realización de diferentes actividades, en diferentes concellos da zona territorial que comprende a IXP, e o propio GDR.

O contido temático desta primeira sesión formativa foi de carácter introdutorio e versou sobre as boas prácticas, a responsabilidade social e a sustentabilidade na vitivinicultura e os aspectos normativos para a xestión da viña e a adega, controis, etc. dentro da IXP.

En total serán 16 accións formativas, trece delas no propio ámbito da IXP e tres visitas temáticas fóra do territorio da IXP.