Este xoves estaremos na sede da Misión Biolóxica de Galicia (MBG-CSIC) de Pontevedra, na presentación da plataforma PTI AGROFOR, que aúna a grupos de investigación do CSIC, especializados nas áreas agraria, agroalimentaria e forestal, con entidades e empresas que traballan nestes sectores co obxectivo de xerar actividades conxuntas para mellorar a transferencia do coñecemento e a innovación.
Para participar compre inscrición previa!!
✨ É tempo de Nadal❗ Dende o GDR desexámosvos unhas moi boas festas❗❗
Podes ver o vídeo de felicitación do Nadal da IXP xusto aqui abaixo
O 2º proxecto de cooperación das IXP de viño de Galicia culmina coa creación e posta en marcha da asociación dos operadores das IXP, coa elaboración de estudos preeliminares para mellorar a base territorial das explotacións e apostando polo enoturismo.
A asociación nace dentro do proxecto de cooperación “Desenvolvemento e dinamización das IXP de Viño de Galicia” . Trátase dunha iniciativa impulsada polos Grupos de Desenvolvemento Rural (GDR 15 Pontevedra Morrazo, GDR 03 Montes e Vales Orientais, GDR 11 Comarca de Ourense, GDR 17 Salnés, Ulla, Umia GDR 18 Deloa, GDR 23 Mariñas Betanzos) e financiada polo FEADER (Fondo Europeo Agrícola de Desenvolvemento Rural), no marco do programa LEADER, actuando o GDR Pontevedra Morrazo como grupo Coordinador.
Entre os obxectivos do proxecto contemplase o impulso ao asociacionismo e cooperación entre os diferentes operadores das IXP de viños de Galicia para crear estruturas permanentes de colaboración.
Como colofón deste proceso, este luns 27, na Sede de Agacal, tivo lugar o acto de constitución da Asociación de IXP de Viños de Galicia, coa sinatura da acta fundacional e a elección da Xunta Directiva e coa participación das 17 adegas pertencentes ás diferentes IXP: IXP Ribeiras do Morrazo, IXP Barbanza Iria, IXP Betanzos, IXP Val do Miño-Ourense, IXP Terras de Navia.
Coa constitución da Asociación mellórase a gobernanza e colaboración entre operadores, reforzando o posicionamento e mellorando a información e promoción das adegas das IXP e dos seus viños.
A aposta pola colaboración entre ás adegas das IXP supón, entre outras as seguintes vantaxes:
Este luns, 27 de novembro, ás 11 horas celebrouse na sede de AGACAL (Santiago de Compostela) a constitución da asociación das IXP de viño de Galicia. Á cita acudiron representantes das 17 adegas que forman parte das cinco IXP de Galicia. Tras aprobar os estatutos da asociación, designáronse aos titulares da xunta directiva:
OUTROS RESULTADOS DO PROXECTO DE COOPERACIÓN
O proxecto de desenvolvemento e dinamización das IXP de viños de Galicia, ten tamén como finalidade impulsar a viticultura nas IXP de Galicia desenvolvendo a base territorial das explotacións vitícolas, promocionando os seus viños e adegas e desenvolvendo o enoturismo.
Por iso outra das accións realizadas para lograr os obxectivos deste proxecto, e a elaboración de estudos preliminares para desenvolver polígonos agroforestais nas IXP de viños de Galicia (mínimo de 10 ha. en cada polígono de cada IXP), que permitan a posible ampliación da superficie cultivada.
Tamén foron creados e deseñados cinco itinerarios enoturísticos. Trátase de cinco itinerarios circulares, un por zona, a partir da identificación de recursos do territorio xeoreferenciados (adegas, espazos ou recursos de interese vitícola ou enolóxico, elementos patrimoniais, etc.) Inclúense tamén un folleto enoturístico por cada IXP
Ademais durante o mes de outubro celebráronse catro xornadas divulgativas de viños das IXP de Galicia en catro cidades galegas (Lugo, Ourense, Vigo e A Coruña) que reuniron a máis de 700 persoas.
En cada xornada púidose coñecer unha mostra/exposición de todos os viños que comercializan as IXP de Galicia. Pola mañá, impartiuse unha masterclass de formación e divulgación sobre a viticultura e os viños das IXP de Galicia da man de Alejandro e Luis Paadín, e pola tarde, con Martiño Santos, realizáronse catas comentadas de viño dirixidas a prescritores, canle Horeca e público xeral.
Grazas a todas as persoas participantes nas actividades divulgativas da “Ruta dos viños oceánicos” da IXP Ribeiras do Morrazo. Os catro eventos temáticos, foron dedicados á gastronomía, viticultura e castes, ás rutas enoculturais e á Historia, Patrimonio e cultura do viño. Por eles pasaron persoas de diferentes ámbitos relacionados coa cultura do viño o ámbito da gastronomía, periodismo, enoloxía, bioloxía, economía, historia, antropoloxía etc. Dende finais de outubro ata finais de novembro, o numeroso público asistente puido desfrutar de faladoiros temáticos, da música de raíz, relacionada co tema do coloquio e interpretada por Xabier Blanco e das catas comentadas por Txema Ureta para probar e coñecer mellor os viños de Ribeiras do Morrazo.
Lembremos que A “Ruta dos Viños Oceánicos” é un itinerario enoturístico e cultural da IXP Ribeiras do Morrazo, que ten como fío condutor a cultura do viño na Península do Morrazo e nas marxes atlánticas de Pontevedra, Redondela e Poio.
Exposición da Ruta dos viños oceánicos
Logo das xornadas divulgativas, a exposición da ruta da IXP ribeiras do Morrazo, continuará aberta na sede do GDR. Ademais poderase ver a Bitácora audiovisual da “RUTA DOS VIÑOS OCEÁNICOS”. Trátase de 14 pezas audiovisuais para darlle voz aos legatarios do patrimonio, aos viticultores e a todos aqueles que posúen coñecementos, experiencias e vivenciais vencelladas á cultura do viño nas súas múltiples dimensións humanas, históricas, artísticas e culturais.
A Exposición e a Bitácora da “Ruta dos Viños Oceánicos” pódense visitar e ver na sede do GDR Pontevedra Morrazo, en Os Campos, 19 de Pontevedra de luns a venres en horario de mañá e as tardes do martes e xoves
? Unha Sociedade Unida na Loita contra a Violencia de Xénero
No GDR, reafirmamos o noso compromiso na loita contra a violencia de xénero. Recoñecemos que combatela non é só un deber individual, senón unha responsabilidade colectiva. O silencio e a indiferenza non son opcións; son actitudes que nos fan cómplices dunha das maiores inxustizas sociais.
? Actuar é Clave: Rompendo coa Indiferenza
Cremos firmemente que para lograr unha sociedade libre de violencia de xénero, debemos romper coa indiferenza. Cada acción, por pequena que pareza, contribúe a un cambio significativo. Dende o GDR, animamos a toda a comunidade a unirse a esta loita, a educar, sensibilizar e tomar accións concretas para erradicar calquera forma de violencia contra as mulleres.
? A nosa Visión: Un Futuro Sen Violencia
A nosa visión é dunha sociedade onde a igualdade e o respecto prevalezan, onde cada persoa poida vivir libre de temor e discriminación. Neste Día Internacional da Eliminación da Violencia contra a Muller, o GDR está máis comprometido ca nunca a traballar para facer desta visión unha realidade.
? Únete a Nós
Invitámoste a formar parte deste movemento vital. Informa, participa, e alza a túa voz. Xuntos, podemos facer a diferenza.
? Hoxe, máis que nunca, #RachemosCoaIndiferenza. Unámonos para construír un futuro onde #NonÁViolenciaDeXénero sexa unha realidade para todas e todos.
A empresa FRUTODS, solucións conceptuais e innovación, ven de recibir o premio de AGADER ao desenvovemento rural 2023 na Categoria de de innovación tecnolóxica
Situado no lugar de Pedreira no municipio de Soutomaior, este proxecto contou con 108.944,39 € de axuda Leader xestionada a través do GDR Pontevedra-Morrazo para a ampliación e modernización das súas instalacións, cun investimento de 262.516,60 €, para albergar a oficina técnica, un laboratorio de I+D+I, un obradoiro e equipamento específico, impresoras 3D etc.
Coincidindo co día mundial do enoturismo, o GDR publicou un vídeo divulgativo da bitácora audiovisual da “RUTA DOS VIÑOS OCEÁNICOS” na IXP Ribeiras do Morrazo. Trátase de 14 pezas audiovisuais para darlle voz aos legatarios do patrimonio, aos viticultores e a todos aqueles que posúen coñecementos, experiencias e vivenciais vencelladas á cultura do viño nas súas múltiples dimensións humanas, históricas, artísticas e culturais.Preme a ligazón para acceder ao vídeo divulgativo: https://youtu.be/JJdwTFgSXMw
A “Ruta dos viños oceánicos” que o GDR esta a desenvolver, é un itinerario enoturístico e cultural que percorre os atractivos turísticos dos concellos da IXP Ribeiras do Morrazo (Bueu, Cangas, Moaña, Marín, Vilaboa, Pontevedra, Poio e Redondela) tendo a cultura do viño fío condutor.
A bitácora ten como principais obxectivos:
A Bitácora, pódese ver na Exposición da “RUTA DOS VIÑOS OCEÁNICOS” na planta baixa da sede do GDR, en Os Campos, 19 de Pontevedra.
Novas: Mergúllate na "Ruta dos Viños Oceánicos"
Este venres, 10 de novembro ás 18:00 horas, convidámoste a explorar a "Ruta dos Viños Oceánicos" e a descubrir a enriquecedora mestura de cultura, economía e turismo do viño.
A sesión desta semana abordará o potencial económico e turístico das rutas enoculturais, presentando un programa cargado de:
O encontro será na Sede do GDR en Pontevedra, na rúa Os Campos, número 19.
? Aviso! O aforo é limitado. O rexistro é gratuito e xa está aberto no seguinte enlace: Inscríbete aquí.
Non perdas esta oportunidade única de vivir unha experiencia onde o viño é o eixo de historias, sabores e encontros memorables.
Agardámoste!
O pasado venres 3 de Novembro continuamos a nosa apaixonante "Ruta dos Viños Oceánicos" cobrou vida nun novo capítulo dedicado á viticultura, variedades de uva e viños das Indicacións Xeográficas Protexidas.
Agradecemos a cada un dos nosos compañeiros de ruta por compartir o seu tempo e o seu amor polo viño connosco. A vosa enerxía e compañía fan que cada evento sexa especial.
Xa estamos preparando o vindeiro encontro! Seguidenos para non perderdes ningunha nova e serdes os primeiros en apuntarvos ás próximas degustacións que temos en carpeta.
Vémonos pronto, brindando pola vida e celebrando o que nos une: o amor polo bo viño ?
Un luns inolvidable cos nosos viños galegos como estrelas. O pasado luns 30 na Aula de Cata Paadín, descorchamos historias, sabores e tradicións coas nosas Indicacións Xeográficas Protexidas (IXP) de Galicia. E qué mellor xeito de aprendizaxe que entre copas e confraternidade!
Grazas a todasas persoas que viñeron e participaron! A vosa presenza fixo que a cata fose un evento para lembrar e demostrou que a comunidade do viño en Galicia é forte e vibrante.
Permanece atentos ás nosas redes sociais @gdrpontevedramorrazo para estar ao tanto das novas sobre as IXP de viño galegas.