Xornada de networking "Camiño de futuro"

O 29 de marzo ás 12 h. terá lugar no Salón de Actos do Clube Náutico de Sanxenxo un dos encontros "Camiño de futuro", iniciativa organizada pola Axencia Galega de Innovación (GAIN) xunto coa Agader e coa Dirección Xeral de Desenvolvemento Pesqueiro co obxectivo de promover e impulsar a innovación nas PEMES de Galicia e que conta coa colaboración dos Grupos de Desenvolvemento Rural Pontevedra-Morrazo e Salnés-Ulla-Umia e co GALP Ría de Pontevedra.

Nesta xornada de networking, que contará coa intervención de Fernando Guldrís, Director xeral do Instituto Galego de Promoción Económica (IGAPE), presentaranse por parte de técnicos do IGAPE e da GAIN, así como dos GDR e GALP do territorio os distintos instrumentos de apoio ao dispor das empresas galegas para aumentar a súa competitividade e crecemento económico. Tamén terá lugar unha mesa redonda para dar a coñecer casos de éxito de empresas da contorna.
 
Aquelas PEMES que desexen asistir deberán cumprimentar o formulario que se atopa na seguinte ligazón: Inscrición na xornada 'Camiño de Futuro' (galiciainnovacion.es).

 

Ningún evento vindeiro!