Conscientes de que a violencia de xénero é un problema social, dende o GDR Pontevedra Morrazo, creamos este novo espazo co fin de visibilizar e informar sobre a problemática da violencia de xénero e concienciar á poboación de cara a súa prevención e a promoción da igualdade. Porque combatela é responsabilidade de toda a sociedade, e a indiferenza fainos cómplices.
Segundo o acordo de colaboración entre a Vicepresidencia e Consellería de Presidencia, Admón. pública e Xustiza e a Consellería de Medio rural, a través da AGADER no marco do Pacto de Estado contra a violencia de xénero.
Máis información: https://www.facebook.com/rachemoscoaindiferenzaGDR/
A campaña consistiu no deseño e realización dunha imaxe e slogan así como a creación de tres vídeos curtos para a difusión nos distintos espazos web e redes sociais dos 13 concellos vencellados ao GDR Pontevedra Morrazo.
A campaña desenvolveuse cunha linguaxe clara, directa e sinxela, coa finalidade de que este fenómeno non permaneza oculto, e que cada individuo persoal ou colectivamente, tome un papel activo para promover un cambio a través da reflexión.
1- Creación de slogan e lema para campaña #RACHEMOSCOAINDIFERENZA
2- Deseño da imaxe para campaña e deseño de cartel, adaptando a mesma a diferentes formatos (banner para Facebook e adaptación para distintas redes sociais).
3- Edición e post-produción de 3 vídeos de 30 segundos para a campaña.
DÍPTICO CAMPAÑA #RACHEMOSCOAINDIFERENZA
Descargar díptico: Díptico campaña #RACHEMOSCOAINDIFERENZA
CARTEIS CAMPAÑA #RACHEMOSCOAINDIFERENZA
Descargar carteis con logos: Carteis campaña #RACHEMOSCOAINDIFERENZA
Descargar carteis sen logos: Carteis campaña sen logos #RACHEMOSCOAINDIFERENZA
OS VÍDEOS
Baixo o hashtag #RACHEMOSCOAINDIFERENZA elaboráronse 4 microvídeos que pretenden mobilizar a poboación e promover un cambio social, aumentando a conciencia sobre a problemática da violencia sobre a muller.
Os vídeos, colocan ao conxunto da sociedade como protagonista da loita contra a violencia de xénero, apelando ao activismo da cidadanía instándoa a rexeitar ás violencias machistas, rachando co silencio e a pasividade.
Vídeo 1. A pasividade fainos cómplices.
Vídeo 2. Ti podes cambiar as cousas.
Vídeo 3. Rexeita as violencias machistas
Vídeo 4. Ver, oír e actuar!.
#Rachemos coa indiferenza. Vídeo 1
#Rachemos coa indiferenza. Vídeo 2
#Rachemos coa indiferenza. Vídeo 3
MATERIAL GRÁFICO.
O símbolo utilizado na campaña pretende mostrar publicamente un compromiso activo contra este tipo de violencia que ten a súa orixe na desigualdade de xénero. A través da web ou Facebook poderase descargar o logotipo en diferentes formatos para favorecer a súa utilización:
Cartel para personalizar con logos.V1.jpg
Cartel para personalizar con logos.V2.jpg
