Proxecto de modernización dunha clínica odontolóxica na parroquia de Vilaboa, mediante a adquisición de equipamento médico con aparatoloxía integrada que lle permitirá: desenvolver novas actividades realizando directamente programas de cirurxías e endodoncia, reducir tempos de traballo, mellorar a capacidade asistencial complementando as prestacións actuais dun xeito máis profesional evitando a subcontratación de servizos.

Proxecto de automatización e ampliación da capacidade produtiva da planta da fábrica de mobles de Celso Tomé,S.L. ubicada nas parcelas 6 e 7-Polígono Industrial “A Facha” en Campo Lameiro.

Entre os obxectivos específicos do investimento figuran: establecer unha canle de produción principal automatizada para produtos estándar de alta demanda integrada pola maquinaria automática e reorganizar outra canle secundaria para produtos non estandarizados/por pedido composta pola maquinaria semiautomática e manual; acadando unha alta capacidade produtiva e superación de colos de botella; independizando os fluxos de produción para evitar ineficiencias; reducindo o coste unitario de produción; e producindo pezas de maior valor engadido, etc.

O Concello de Cerdedo-Cotobade proxecta a creación e posta en marcha dunha app turística mediante unha aplicación multiplataforma como ferramenta que canalice a experiencia dos visitantes no destino municipal e que permita valorizar os recursos e atractivos turísticos municipais a través do uso das novas tecnoloxías como canal de comunicación e interacción co turista.

Esta iniciativa ten por obxectivos: incrementar a satisfacción do turista/visitante grazas ó apoio e información prestados; dotar de tecnoloxía ó sistema de información turística municipal; facilitar a adecuación da oferta turística posibilitando a creación de novos contidos apoiados no uso das TICs; mellorar a eficiencia na promoción e xestión dos recursos turísticos do concello; incrementar a competitividade do sector turístico local e xerar novas oportunidades de negocio.

“Xestión agroforestal sustentable (2020)” é un programa formativo de 60h lectivas, baixo a metodoloxía de formación-acción, que ten unha dobre finalidade:

Mellorar as prácticas sostibles dos sectores agrogandeiro e forestal para potencialo como alternativa emerxente de emprego e/ou emprendemento.

Reforzar e incrementar a profesionalización e capacitación da poboación activa nos ámbitos referidos, contribuíndo a mellorar as prácticas de traballo e impulsar os aproveitamentos.

Para isto, o programa formativo centrarase en:

• Reforzar o papel das actividades agrarias, gandeiras e forestais, como eixe para a dinamización social e económica do territorio.
• Introducir criterios técnicos e aprendizaxes no conxunto de actividades que leven implícita esa xestión agroforestal sustentable.

A proposta de contidos didácticos para cada unha das accións formativas a desenvolver durante o periodo contemplado son:

1. Horticultura ecolóxica (27 h.) Abordaranse contidos de:

• Introdución a xestión dunha explotación hortícola en ecolóxico.
• Regulamento europeo de produción ecolóxica.
• Manexo do solo en cultivos ecolóxicos
• Deseño do horto ecolóxico.
• Rego e operación culturais agroecolóxicas para mellorar a eficiencia da auga e a conservación do solo.
• Operacións de cultivo.
• Fertilización.
• Bases para a elaboración de compost.
• Invernadoiros.
• Pragas, enfermedades e malas herbas (Clasificación. Tratamento e control)
• Manexo vexetativo (Métodos de multiplicación de plantas. Poda. Asociacións e rotacións de cultivos).
• Comercialización (A comercialización dos productos. Canles de distribución e venda. Artesanía Alimentaria de Galicia e Venda Directa. Esquema dun plan de marketing).

2. Apicultura ecolóxica (10 h.) Abordaranse contidos de:

Apicultura ecolóxica:

• A produción apícola dende o punto de vista ecolóxico.
• A abella e o apicultor. Colmeas.
• Instalación do apiario. Transhumancia.
• Os produtos. Extracción.
• Manipulación de colmeas. Alimentación e multiplicación.
• Pragas e enfermidades. A Velutina.

Comercialización:

• A comercialización dos productos.
• Canles de distribución e venda.
• Artesanía Alimentaria de Galicia e Venda Directa.
• Esquema dun plan de marketing.

3. Xestión sustentable do monte e producións alternativas (23 h.)

Contido xeral:

• Economía circular dos cultivos e valorización dos recursos propios do rural e de zonas forestais e a súa integración coas Aldeas Modelo.
• Deseño sostible e rendible en plantacións de froiteiras, froitos do bosque, aromáticas e medicinais.
• Nocións básicas sobre os cultivos (preplantación, abonado, plantación, entitorado, mantemento, poda, aclarado, colleita e poscolleita).

Comercialización:

• A comercialización dos productos (compota, deshidratado, liofilizado, etc.).
• Canles de distribución e venda.
• Artesanía Alimentaria de Galicia e Venda Directa.
• Esquema dun plan de marketing

Proxecto de creación dun fogar residencial na parroquia de Berducido en A Lama, como empresa que ofrece servizos de estancia continua e de atención integral ás persoas maiores con necesidades de coidados que presentan unha situación de dependencia leve ou moderada; e contará cos seguintes servicios: aloxamento, manutención con dietas personalizadas, apoio ás actividades cotiás as 24 horas por persoal xerocultor, servizo de rehabilitación menor e fisioterapia, atención social, enfermaría e terapia ocupacional ou animación sociocultural

Este centro está deseñado para acadar un número previsto de 24 prazas de atención a maiores, nunha superficie construída de 438.5m² en pranta baixa, 160.76m² en pranta primeira e 148.18m² en pranta segunda. O fogar residencial está distribuído en zonas comúns e area residencial; contando cun despacho de administración, sala polivalente de 63m², sala de rehabilitación de 20.63m², sala de curas de 6,02 m², sala de enfermaría de 7m², comedor de 31.15m², 12 habitacións dobres de máis de 12m² cos seus correspondentes baños accesibles/adaptados, etc.

Proxecto de creación dunha lavandaría autoservizo na parroquia de Seixo en Marín, localizada na rúa Torre 85-baixo 3 cunha superficie de 128.17m².

Os servizos ofertados contemplan o autolavado e autosecado baixo a utilización de produtos biodegradables a prezos básicos, especializado no lavado húmido e cun amplo horario de apertura á cidadanía

O Concello de Cerdedo-Cotobade proxecta a posta en marcha dunha aula de novas tecnoloxías e multimedia na Casa de Cultura de Cerdedo que permita o acceso dos veciños á sociedade da información con conexión de balde a internet como recurso para cursos de formación, alfabetización informática nas novas tecnoloxías, actividades divulgativas, etc nun centro de uso comunitario e público.

O proxecto ten por obxectivo facilitar o uso das novas tecnoloxías, permitindo o desenvolvemento da sociedade da información e as relacións dixitais, utilizando as TICs como medio de inclusión social promovendo que todos os cidadáns poidan navegar gratuitamente a través do equipamento adquirido.

Proxecto de carácter non produtivo promovido pola CMVMC de Calvelo e Río Tenorio coa finalidade de crear unha área de recreo forestal nunha carballeira situada na contorna do río Lérez, comunicada coa praia fluvial de Calvelo dotando á parroquia dunha zona de lecer de libre acceso como reclamo turístico e zona de esparcemento para visitantes e veciños, que complemente os servizos recreativos-lúdicos actuais da parroquia de Tenorio.

Os investimentos previstos consisten no acondicionamento da carballeira e limpeza de senda con tratamentos silvícolas en masa de frondosa, sinaléctica (paneis interpretativos e sinais tipo frecha), instalación de mobiliario complementario (mesas de pedra con bancos) e custos xerais (honorarios técnicos do proxecto).

Proxecto de ampliación dun centro psicopedagóxico situado en Bueu centrado nas áreas: educativa-psicopedagóxica, logopedia, atención temperá e atención á terceira idade; co obxectivo de ampliar as súas instalacións facilitando a prestación de máis servizos engadidos (obradoiros de lectoescritura, habilidades sociais, pintura, charlas informativas…) e ofertando un servizo integral do centro que lle permita complementar as actividades de reforzo socioeducativo e de terapias.

Proxecto de ampliación e modernización dunha empresa localizada na parroquia de Cerponzóns, adicada á distribución de produtos alimenticios, especialmente cárnicos en fresco para o sector da hostalaría; que busca con esta iniciativa incrementar a capacidade do negocio actual e a súa diversificación cara unha nova liña de negocio que lle permita comercializar produtos conxelados, facendo a empresa máis competitiva.