Límites de axuda pública máxima con carácter xeral
| |
APLICACIÓN DA EDLP |
| |
PRODUTIVOS |
NON PRODUTIVOS |
| Importe máximo de axuda |
200.000 € |
250.000 € |
| Importe máximo R 1407/2013 |
200.000 € |
200.000 € |
| % máximo de axuda |
45% |
90% |
Proxectos Produtivos
Actividades empresariais co obxecto de xerar emprego e rendas para a poboación que respondan aos obxectivos sinalados no programa.
O importe máximo da axuda pública será de 200.000€ agás condicións máis restritivas sinaladas no Réxime de axudas. A porcentaxe máxima de axuda será do 45 %.
Proxectos Non Produtivos
Dirixidos a cubrir as necesidades da poboación rural, que respondan a unha visión comarcal e que perseguirán a satisfacción do interese público ou colectivo.
O importe máximo de axuda pública será de 200.000 € e a porcentaxe máxima virá determinada pola prioridade do tipo de proxecto segundo a seguinte clasificación:
| Proxectos non produtivos de prioridade alta: intensidade de axuda máxima do 90% de axuda |
- Investimentos relacionados cos servizos de igualdade e benestar á poboación, a integración de comunidades marxinais e de inmigrantes, o coidado das persoas maiores dependentes e non dependentes, e a promoción dun envellecemento activo e saudable das mesmas, tales como: centros de inclusión e emerxencia social, centros de integración, inserción ou inclusión socio-laborais para persoas discapacitadas, infantís, centros de maiores non dependentes (pisos tutelados, vivendas comunitarias, centros de día, etc.) e actuacións para promover a igualdade e a integración social da poboación
- Investimentos non produtivos relacionados co uso e a mellora da accesibilidade ás tecnoloxías da información e comunicación (TICs) no medio rural, tales como telecentros, aulas de informática, plataformas dixitais de servizos a empresas ou á poboación en xeral.
- Investimentos non produtivos relacionados coa utilización de enerxías alternativas, o aforro ou eficiencia enerxética, a compostaxe, a biomasa, a reutilización e reciclaxe etc. Tales como instalación de caldeiras de biomasa, placas solares, mecanismos e equipamentos que permitan a redución do consumo de auga, ou aproveitamento hídrico, etc
|
| Proxectos non produtivos de prioridade media: intensidade de axuda máxima do 70% de axuda |
- Investimentos relacionados coa valorización, conservación e/ou recuperación do patrimonio natural e cultural, tales como a recuperación e integración paisaxística, recuperación do hábitat e a biodiversidade, custodia do territorio, aulas da natureza, centros de interpretación, intervencións arqueolóxicas, recuperación de construcións de interese cultural (histórico-artístico, etnográfico, arquitectónico, etc) e actuacións de sensibilización, promoción e difusión, etc.
- Investimentos non produtivos, relacionadas coa valorización e/ou promoción dos produtos e producións locais vinculados ás denominacións de orixe, indicacións xeográficas protexidas, a viticultura, a agricultura ecolóxica, a artesanía local, gastronomía, etc.
- Investimentos non produtivos relacionados co sector turístico tales como actuacións de promoción, difusión e divulgación dos recursos turísticos, rutas de sendeirismo homologadas pola Federación Galega de Montaña, construción de miradoiros, puntos de información turística, centros de promoción de recursos, etc.
|
| Proxectos non produtivos de prioridade baixa: intensidade de axuda máxima do 50% de axuda. |
- Investimentos relacionados coas actividades e infraestruturas, deportivas, recreativas de lecer e culturais tales como ludotecas, locais sociais, parques, etc.
- Resto de investimentos non produtivos non recollidos nos epígrafes anteriores.
|
Réxime de compatibilidade
Con carácter xeral, un proxecto poderá compatibilizar a axuda ao abeiro do Leader (que están cofinanciadas con fondos Feader) con outras axudas de un ou varios Fondos EIE ou de un ou varios programas e de outros instrumentos da Unión; coa condición de que o investimento incluído non estea subvencionado por outro Fondo EIE ou instrumento da Unión, nin polo mesmo Fondo conforme a un programa distinto.
O importe das axudas non poderá illadamente ou en concorrencia con outras subvencións ou axudas procedentes doutras Administracións Públicas ou doutros entes, públicos ou privados, nacionais ou internacionais, superar o custo total da operación subvencionada.
