Igualdade

SERVIZOS E RECURSOS

A través deste enlace pódense consultar os teléfonos de atención a muller, servizos asistenciais e outra información de interese de cada un dos 13 concellos do territorio do GDR Pontevedra Morrazo:

 

#RACHEMOSCOAINDIFERENZA

    A campaña #RACHEMOSCOAINDIFERENZAconsistiu no deseño e realización dunha imaxe e slogan así como a creación de tres vídeos curtos para a difusión nos distintos espazos web e redes sociais dos 13 concellos vencellados ao GDR Pontevedra Morrazo.

    A campaña desenvolveuse cunha linguaxe clara, directa e sinxela, coa finalidade de que este fenómeno non permaneza oculto, e que cada individuo persoal ou colectivamente, tome un papel activo para promover un cambio a través da reflexión.

1- Creación de slogan e lema para campaña #RACHEMOSCOAINDIFERENZA

2- Deseño da imaxe para campaña e deseño de cartel, adaptando a mesma a diferentes formatos (banner para Facebook e adaptación para distintas redes sociais).

3- Edición e post-produción de 3 vídeos de 30 segundos para a campañA.

OS VÍDEOS

Baixo o hashtag #RACHEMOSCOAINDIFERENZA elaboráronse 3 microvídeos que pretenden mobilizar a poboación e promover un cambio social, aumentando a conciencia sobre a problemática da violencia sobre a muller.

Os vídeos, colocan ao conxunto da sociedade como protagonista da loita contra a violencia de xénero, apelando ao activismo da cidadanía instándoa a rexeitar ás violencias machistas, rachando co silencio e a pasividade.

 

#Rachemos coa indiferenza. Vídeo 1

 

#Rachemos coa indiferenza. Vídeo 2

 

#Rachemos coa indiferenza. Vídeo 3

 

MATERIAL GRÁFICO.

O símbolo utilizado na campaña pretende mostrar publicamente un compromiso activo contra este tipo de violencia que ten a súa orixe na desigualdade de xénero. A través da web ou Facebook poderase descargar o logotipo en diferentes formatos para favorecer a súa utilización. Debaixo deste texto engadir os documentos que envío como adxuntos, sendo o título de cada un a denominación de cada documento.

Tamén podes descargar o Mapa de Servizos e Recursos Violencia de Xénero