O Concello de Pontevedra proxecta a rehabilitación e acondicionamento integral dun inmoble municipal no lugar de Os Campos-Mourente, para destinalo a centro de promoción de recursos locais e actividades de desenvolvemento rural.
A infraestructura disporá dunha sala multiusos para actividades, eventos e/ou exposicións que se destinará a promoción e posta en valor dos recursos locais. Ademais tamén albergará a sede e oficina técnica do GDR Pontevedra-Morrazo onde desenvolver o traballo administrativo de dinamización e desenvolvemento rural, e acoller reunións e eventos de carácter institucional do grupo.
A edificación contará con dúas plantas: unha planta baixa de 233.45m2, con vestíbulo, unha sala multiusos para eventos e/ou exposicións, xunto con zona de almacén, aseos, cuartos de limpeza, etc; e unha planta alta de 239.65m2, cunha zona de administración en concepto aberto apta para 3-4 traballadores con zona de arquivos, despacho e sala de xuntas con capacidade para 35 persoas e outras dependencias necesarias para acoller a oficina técnica e sede do GDR.
