Proxecto de carácter non produtivo promovido pola CMVMC de San Martín de Vilaboa coa finalidade de ampliar os espazos e os equipamentos de lecer no Lago de Castiñeiras dotándoo de infraestructuras de uso recreativo de libre acceso como reclamo turístico e de esparcemento, mediante a creación dunha zona específica de xogos que constará dunha tirolina de aprox.17m de lonxitude e 159m2 de superficie ocupada e dun circuíto de 180m2 con xogos de axilidade, actividades de equilibrio, balanceo, escalada e gateo fabricado en madeira de robinia, ademais de sinalización cun cartel sobre usos e recomendacións.
Os investimentos previstos localízanse nunha zona de actuación de 339m2 do Lago de Castiñeiras na parroquia de Vilaboa de afluencia de visitantes e veciños, e teñen como finalidade aumentar os servizos recreativos, lúdicos e de lecer actuais ó aire libre. Consisten en: partidas de obra civil de acondicionamento do terreo, seguridade e saude, etc, subministro e instalación dos equipamentos necesarios (elementos de lecer, tirolina e circuítos de axilidades, xunto coa colocación dun bordo de madeira e a cartelería), custos xerais (honorarios técnicos do proxecto).
