O mércores 13 de outubro, trala celebración de varias reunións de traballo cos viticultores de Cela e outras persoas interesadas, o GDR Pontevedra-Morrazo en colaboración coa Asociación de Vitivinicultores San Martiño de Bueu presentou no Centro Social do Mar as conclusións alcanzadas trala análise de diferentes alternativas para potenciar a viticultura na zona no marco do Proxecto de viabilidade para a comercialización e posta en valor dos recursos vitivinícolas de Bueu dentro da Indicación Xeográfica Protexida Ribeiras do Morrazo.

 

Onte tivo lugar no Centro Social do Mar o segundo obradoiro de traballo para validar as alternativas que permitan potenciar a viticultura en Bueu no marco do Proxecto de viabilidade para a comercialización e posta en valor dos recursos vitivinícolas de Bueu levado a cabo polo GDR Pontevedra-Morrazo en colaboración coa Asociación de Vitivinicultores San Martiño.

A directora da Axencia Galega de Desenvolvemento Rural, Inés Santé Riveira, o Subdirector de Relacións cos Grupos de Desenvolvemento Rural, Moisés Blanco Paradelo e o Subdirector de Planificación e Dinamización do Medio Rural, Alfredo Fernández Ríos visitaron xunto con representantes do concello de Bueu e o xerente do GDR Pontevedra-Morrazo o proxecto de ampliación dun Centro psicopedagóxico en Bueu subvencionado a través do Leader. Este proxecto, que moveu un orzamento de 47.931,41 € e contou cunha axuda de 16.536,34 € xestionada a través do GDR Pontevedra-Morrazo, permitiu levar a cabo o acondicionamento e equipamento do local, ademais do deseño dunha páxina web. Estas novas instalacións facilitan a prestación de máis servizos dentro dos campos da psicoloxía infanto-xuvenil, de adultos, logopedia e reforzo socioeduativo, contando a promotora coa colaboración de logopedas, psicólogos e graduadas en maxisterio con mención en audición e linguaxe e pedagoxía terapéutica para ofrecer un servizo multidisciplinar a poboación da zona.

O GDR Pontevedra Morrazo promocionará a IXP Ribeiras do Morrazo no Festival Internacional de Curtametraxes de Bueu (FICBUEU 2019) a través da difusión nas diferentes seccións do festival, do material audiovisual da marca así como das catas/degustacións dos actos de inauguración e clausura previstos.

O FICBUEU é unha cita cultural única, na que participarán máis de 15.000 persoas  que a longo de nove días ( do 6 ao 14 de setembro) poderán desfrutar dun total de 128 filmes e de 65 actividades programadas.

Máis info: https://www.ficbueu.com/

 

Promotor: Concello de Bueu
Localización: Bueu
Orzamento: 71.320,00 €
Axuda aprobada: 39.582,60 €
Descrición:
Recuperación de elementos do patrimonio cutural e dos valores paisaxísticos da parroquia de Ermelo, mediante a posta en valor do conxunto de recursos emblemáticos do patrimonio histórico-cultural (material e inmaterial) e natural (medioambiental) do entorno ligado ó lugar de Ermelo (Bueu).